KM3: Mga Hurado

Kamustang muli? Handang handa ka na ba sa darating na timpalak? Palagay ko, nanuot na sa ating mga sarili ang Kamalayang Malaya.Maraming salamat sa pagpapaunlak.

Malugod kong ipinakikilala ang mga hurado ng KM3. Nais kong masiguro na ang timpalak na ito ay papalaot ng banayad. Ikinagagalak ko ang kanilang pagpapaunlak sa kabila ng kanilang kaabalahan. Mahal din nila ang wikang Filipino. Ang tanong kailan ba ang timpalak? Mag-abang ka lamang, bigla na lamang bubulaga iyan.

G. Noel Sales Barcelona

Makata, kuwentista, peryodista, mananaliksik, kritiko at mananaysay si Noel Sales Barcelona.

Taong 2002 nang makamit niya ang parangal na “Makatang Mag-aaral ng Taon” mula sa Politeknikong Unibersidad ng Pilipinas (PUP)-Maynila at ang Ika-2 gantimpala sa prestihiyosong Gawad Pandaylipi sa Tula dahil sa kanyang tulang “Sa Burol ng Bayan” (The Wake of the Nation).

Hulyo ng taong 2008 nang makamit naman niya ang parangal mula sa Filipino-Australian community sa Brisbane ang “Literary Achievement Award” dahil sa kanyang kuwentong “Bote, Dyaryo, Bakal”. Nauna rito, naging finalist siya sa Kabuwanan Poetry Competition sa Cubao Expo.

Lumabas na rin ang kanyang mga kuwento, tula at sanaysay sa iba’t ibang publikasyon — Aklat Likhaan ng Maikling Kuwento at Tula 2001 (University of the Philippines-Institute of Creative Writing); Mabini Sessions 1, 2 and XP (The Catalyst, PUP-Manila); 24/7 Walang Tulugan (The Philippine Collegian, UP-Diliman); Southern Tagalog Exposure Magazine; Bulatlat.com; The Philippine Literary Folio at Tinig.com;  at marami pang iba. Siya rin ang nagsulat ng introduksyon, kasama ng namayapang makata at persyodistang si Alexander Martin C. Remollino na “Mga Agos sa Disyerto.”

Sa ngayon, nagsusulat siya para sa Pinas Global Newspaper, CBCPNews.com, at AllVoices.com.

G. Michael Rico Langura

Tagapagsanay sa sabayang bigkas, pagsulat ng sanaysay,tula, masining na pagkukuwento at balagtasan. Kritiko ng mga nagsasanay na guro sa pagtuturo sa ilang unibersidad.

Nag-aral sa Pamantasang Normal ng Pilipinas. Kumuha ng Batsilyer ng Sining sa Edukasyon. Dalubhasa sa Filipinolohiya. Kumuha ng Master ng Sining sa Edukasyon sa pagtuturo ng Filipino sa Philippine Christian University. Nakatapos ng pangangailangang pang-akademiko sa Doktorado ng Pilosopiya sa Panitikang Filipino sa Unibersidad ng Manuel L. Quezon at naghahanda sa disertasyon sa maikling kuwento na may paksang “ House Husband “ upang makamit ang titulong Doktorado.

2008- Makata ng Taon ( Kagawaran ng Edukasyon-NCR Level)

Miyembro ng PASADO ( Pampelikulang Samahan ng mga Dalubguro)

Miyembro ng PASATAF ( Pambansang Samahan ng mga Tagamasid at Tagapagtaguyod ng Filipino)

Kasalukuyang nagtuturo sa University of the East at sa Manuel L. Quezon High School- Manila. 

Ang kaniyang pampukaw sa sasalang sa timpalak.

“Sumalunga ka upang matisod ang mahiwagang buhay sa kalsada man o sa tinatawag mong langit. Hayaan mong dumaloy ang diwa ng iyong nasa hanggang sa malasap ng buong mundo ang iyong kalulwa. Iyon ang Kamalayang Malaya “

 Dr. Nelson Turgo

Isinilang si Nelson Turgo sa Mauban, Quezon sa isang pamayanan ng mga mangingisda. Nagtapos siya ng elemantarya sa Mauban South Elementary School (valedictorian), sekundarya sa Manuel S. Enverga Memorial School of Arts and Trades (valedictorian), kolehiyo sa Unibersidad ng Pilipinas-Diliman (BA English Studies – Creative Writing, cum laude) at gayundin ng MA sa Araling Pilipino (Literatura at Anthropolohiya). Noong ikalawang taon sa sekundarya, tinanghal siyang Pambansang Kampeon sa Pagsulat ng Balita (Filipino) sa National Secondary Schools Press Conference at noong nasa kolehiyo, naging manunulat siya sa Philippine Collegian. Nagtapos din siya ng Postgraduate Diploma in Social Science Research Methods (with distinction) at PhD in Sociology (Global Political Economy) (First Category Pass) sa Cardiff University, Wales, UK bilang SIRC-Nippon Foundation Fellow. Sumusulat siya sa wikang Filipino at Ingles. Nakapaglimbag na s’ya ng mga maikling kwento sa parehong wika sa Philippine Humanities Review, Philippine Free Press at Mirror Magazine. Para sa mga akademikong pag-aaral, may mga artikulo na rin siyang lalabas sa mga international peer-reviewed journal na Qualitative Research at Sociological Research Online. Guro (on leave) siya sa Departamento ng Filipino at Panitikan ng Pilipinas, Kolehiyo ng Arte at Literatura, Unibersidad ng Pilipinas-Diliman at kasalukuyang mananaliksik sa School of Social Sciences ng Cardiff University, Wales, UK. Sinasaliksik niya ang usapin ng ethnograpiya, globalisasyon, pamayanan ng mga pangingisda, esperong global-lokal at mga teoryang ugnay sa espasyo.

G. Aldous Sayno

SBA 2011- Maikling Kuwento ( Unang Karangalan)

PEBA 2011- Supporter Category ( Unang Karangalan)

KM1 2010- Kamalayang Malaya ( Unang Karangalan)

KM Espesyal na Edisyon ( Unang Karangalan)

Wika niya.

“Minsan, kailangang haluan ng kamote ang pinakbet. Pasintabi sa mga talong at okra at kung anu anu pang gulay na sahog. Ganun talaga eh.

Ni hindi nga ako marunong magsulat ng maikling bio. Iyayabang ko na lang ang motto ko: ‘I would if I could!’ Huwag mo na kong tanungin kung anung tinapos ko. Hindi ako sa’yo mag aaply ng trabaho. Lovelife? In love ako araw-araw. Mula pa noong gabi gabi kong tinititigan ang maamong mukha ni Marimar sa Channel 9 kahit hindi ko pa alam kung anung pinagkaiba ng lipsync sa dubbing. May mga bagay kasing hindi importante pagdating sa pag-ibig.

At bago pa ko maligaw sa sarili kong sukal, ganito na lang… kapag isusulat mo na ang lahok mo para sa Kamalayang Malaya, pakiramdaman mo ang pintig ng sarili mong puso…ang pagkurap ng iyong mata sa pagkakamulat sa reyalidad at pagpikit patungo sa imahinasyon mo’t mga panaginip…hanggang maging ikaw rin ang sumulpot-maglahong kursor sa kung saang software ka man nagsusulat.

 …at kung natatakot ka na baka mag-isa ka na lamang pagkatapos mong lundagin ang labas ng kahon…nagkakamali ka.

 …dahil dalawa na tayo at magpapalaya pa.”

G. Lourd de Veyra

Makata, nobelista, mananaysay, mamamahayag at musikero si Lourd Ernest Hanopol De Veyra. Kumuha ng Bachelor of Arts in Journalism sa Unibersidad ng Santo Tomas Maynila, nag-aral din siya sa Unibersidad ng Pilipinas upang magpakadalubhasa.

Mga karangalang natanggap sa larangan ng panitikan.

1999 Don Carlos Palanca Memorial Award for Literature ( Third Prize in Essay, English Division)

2003 Don Carlos Palanca Memorial Award for Literature ( Second Prize in Essay, English Division)

2004 Don Carlos Palanca Memorial Award for Literature (First Prize in Teleplay, Filipino Division)

Sa kasalukuyan siya ay mapapanood sa programang sapul sa Singko ng TV5 Kapatid at Tayuan mo at Panindigan sa AksyonTv at sa WASAK TV sa AkTV41. Bisitahin ang kaniyang site sa, Word of the Lourd, This is a Crazy Planets. Isa rin siyang product endorser.

-Wikipedia.org