Payapa ang Himlayan

Payapa ng nakahimlay ang katawang lupa, sa mga luha ng pagmamahal tiyak na ang pagpasok niya sa pinto ng kalangitan, inaawitan ng mga anghel, sumasayaw sa galak ang mga kerubin. Sa wakas, nakarating ka na sa walang katulad na langit.

Ang kamatayan ba ay katapusan na ng kasaysayan ng tao sa lupa? Sa aking obserbasyon lahat ng nakikita natin sa mundo ay nagkakaroon ng katapusan, napapalitan ng bago, paulit ulit lang, pana-panahon ika nga. Ano pa man, napansin mo bang iisa ang hantungan ng lahat, naglalaho sa mundo.

Ang kamatayan ay maselang usapin sa lahi ng mga Pilipino. Marahil ito ay dulot ng ating nakagawiang kultura, tradisyon, paniniwala at relihiyon. Gaano ka ba katakot sa kamatayan? Naniniwala ka ba na may langit at impyerno? Kung naniniwala ka, paano mo mailalarawan ang langit o ang impyerno?.Biswal nating mailalarawan dahil ito ay ating nakikita sa mga pelikula, telebisyon, babasahin at sa pasalin saling nakagawian.

Ang pagkawala ng minamahal natin sa buhay ay nagdudulot ng hindi maipaliwanag na kalungkutan at pagluluksa. Sa mga taong bukas ang pag-iisip, ang tao ay hindi natatakot sa kamatayan kundi natatakot sa maaring maidulot ng pagkawala. Ang ilan ay hindi bukas ang usaping ito, sino ba ang handa sa kaniyang kamatayan? May tao bang alam niya ang takdang oras ng kaniyang pagkawala? Kung magkagayon, may makasalanan pa kaya sa mundo?

Kapag dumating ang oras na paghuhusga at ikaw ay makasalanan, pwede bang makiusap na bigyan ka pa ng pangalawang pagkakataon upang makasama mo ang karamihan sa paraisong langit?

Kung ako ay makasalanan sa lupa ngunit gusto ko ding maranasan ang langit, mapagbibigyan kaya ang aking hiling?

Mahabang taon na ang nilalakbay ng tao ngunit nanatiling misteryo pa rin ang kamatayan. Iba’t iba ang interpretasyon, may kaniya kaniyang hinuhugot na dahilan.

Dalisay ang puso at kalulwa ng mga taong makikibahagi sa walang kapantay na langit.

 

Ang kamatayan ay simula ng isang panibagong buhay, may bagong yugto ng paglalakbay.

About J. Kulisap

Ako si J. Kulisap. Kayumanggi ang damdamin ni J.Kulisap. KAINAMAN
This entry was posted in Panitikang Pilipino, Titik Pinoy and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s